10 დეკემბერს, იაკობ გოგებაშვილის სახელობის თელავის სახელმწიფო უნივერსიტეტის ჰუმანიტარულ მეცნიერებათა ფაკულტეტის სადისერტაციო საბჭოს სხდომაზე, ჩატარდა დოქტორანტ ესმა მანიას სადისერტაციო ნაშრომის დაცვა თემაზე: „ტექსტოლოგიური და საგამომცემლო კვლევები ილია ჭავჭავაძის ზეპირი მეტყველების ნიმუშებისა და წერილობითი ჩანაწერების შესახებ“.
სამეცნიერო ხელმძღვანელები: მაია ნინიძე- ფილოლოგიის მეცნიერებათა დოქტორი, მოწვეული პროფესორი;
ქეთევან გიგაშვილი-ფილოლოგიის დოქტორი, პროფესორი.
ნაშრომი მიზნად ისახავს მეცნიერთა მიერ ჯერ კიდევ შეუსწავლელი სპეციფიკური მასალის – ილია ჭავჭავაძის ფრაგმენტული ზეპირი გამოსვლებისა და მის არქივში დაცული სხვადასხვა სახის ჩანაწერის- ტექსტოლოგიურ კვლევას და ამავე ტექსტების აკადემიურად გამოცემის კონცეფციის შემუშავებას.
ესმა მანიას ფილოლოგიის დოქტორის აკადემიური ხარისხი მიენიჭა.
