იაკობ გოგებაშვილის სახელობის თელავის სახელმწიფო უნივერსიტეტის თანამშრომლებმა და სტუდენტებმა, მძიმე ავადმყოფებისათვის სისხლი უანგაროდ გაიღეს.
უანგარო დონორობის აქციაში მონაწილეობა მიიღო უნივერსიტეტის რექტორმა, შალვა ჭკადუამ .
" როცა შეგვიძლია რომ თუნდაც ერთი ადამიანის სიცოცხლე გადაარჩინო, ეს აუცილებლად უნდა გააკეთო. ამ შემთხვევაში , საქმე ეხება ისეთ ადამიანებს, რომლებსაც გადაუდებლად სჭირდებათ სისხლი, ამიტომ ყველა, ვისაც სისხლის გაღება შეუძლია, ჩემი აზრით ჩართული უნდა იყოს ამ პროცესში"- განაცხადა ჭკადუამ.
უანგარო დონაციაში ჩაერთნენ უნივერსიტეტის სხავადასხვა ფაკულტეტის სტუდენტებიც, რომლებმაც ავადმყოფების დასახმარებლად, სისხლი ჩააბარეს.
აქცია თელავის სახელმწიფო უნივერსიტეტში, თბილისის მერიას დაქვემდებარებულმა სისხლის გადასხმის სადგურმა ჩაატარა.
