საქართველოს მეცნიერებათა ეროვნული აკადემიის მიერ წარმოდგენილ ყოველწლიურ ანგარიშში იაკობ გოგებაშვილის სახელობის თელავის სახელმწიფო უნივერსიტეტის სამეცნიერო საქმიანობა დადებითადაა შეფასებული . ამის შესახებ სამეცნიერო დარგში უნივერსიტეტის რექტორის მოადგილემ, ნუნუ გელდიაშვილმა პროფესორ-მასწავლებელთა და დოქტორანტთა 74-სამეცნიერო კონფერენციაზე განაცხადა.
ნუნუ გელდიაშვილმა კონფერენციის მონაწილეებს ასევე აცნობა, რომ 2015 წლის სამეცნიერო ფესტივალზე შესარჩევი ტურები წარმატებით გაიარა უნივერსიტეტის მიერ წარდგენილმა ღონისძიებებმა:
- სამეცნიერო კონფერენცია: სკოლა და უნივერსიტეტი(ორგანიზატორი ფილოლოგიის დეპარტამენტი);
- სამეცნიერო პოპულარული ლექცია „ნარკვევები XIX-XX საუკუნეების საქართველოს ისტორიიდან ახლად მოძიებული საარქივო მასალების მიხედვით“(ორგანიზატორი--ისტორიის დეპარტამენტი).
სამეცნიერო კონფერენციის მონაწილეებს აკადემიური საბჭოს წევრმა, პროფესორმა როინ ჭიკაძემ და უნივერსიტეტის ხარისხის სამსახურის უფროსმა, შალვა ჭკადუამაც მიმართეს.
სამეცნიერო კონფერენციაში ასამდე პროფესორ-მასწავლებელი და დოქტორანტი მონაწილეობდა. წარმატებულ მონაწილეებს სერტიფიკატები გადაეცათ.
