იაკობ გოგებაშვილის სახელობის თელავის სახელმწიფო უნივერსიტეტის თანაორგანიზატორობით, საერთაშორისო სამეცნიერო კონფერენცია ჩატარდება.

კონფერენციას, 25-27 ნოემბერს ივანე ჯავახიშვილის სახელობის თბილისის სახელმწიფო უნივერსიტეტის რაფიელ აგლაძის სახელობის არაორგანული ქიმიისა და ელექტროქიმიის ინსტიტუტი ჩაატარებს.

კონფერენციის თემაა „თანამედროვე ტენდენციები ქიმიაში, ქიმიურ ტექნოლოგიებსა და მომიჯნავე დარგებში: მწვანე ენერგიის პერსპექტივები, ეკოლოგიური მდგრადობა, სურსათის უვნებლობა- 2026“.

კონფერენცია ინსტიტუტის დაარსებიდან 70-ე წელს ეძღვნება და შოთა რუსთაველის საქართველოს ეროვნული სამეცნიერო ფონდის მხარდაჭერით ხორციელდება.

ღონისძიების ძირითადი თემებია:

I. ნანოპროცესები და ნანოტექნოლოგიები;

II. სასარგებლო წიაღისეულისა და მეორადი ნედლეულის გადამუშავების ფუნდამენტური და ტექნოლოგიური ასპექტები; III. მწვანე ქიმია;

IV. სამეცნიერო ინოვაციების პოპულარიზაცია და კომერციალიზაცია;

V. სურსათის ქიმია და ხარისხი;

VI. STEM+P: მეცნიერება, ინოვაცია და პოლიტიკა, მეცნიერებისა და ინოვაციების საჯარო მართვა.

ღონისძიებაში მონაწილეობას მიიღებენ მეცნიერები ევროპის, ამერილისა და პოსტსაბჭოთა ქვეყნების სხვადასხვა უნივერსიტეტებიდან.

კონფერენციაში ჩაერთვებიან თესაუს სტუდენტებიც.

იქნებიან ჩართული ადგილობრივი სტუდენტებიც.

კონფერენციის ფორმატი ჰიბრიდულია: შეძაძლებელია, როგორც პირადად, ასევე, ონლაინ მონაწილეობა.

კონფერენციის ფარგლებში შექმნილი სამეცნიერო პროდუქტების (საერთაშორისო კონფერენციის თეზისების/მოხსენებათა კრებულის) ელექტრონული მასალები ინდექსირებული იქნება Google Scholar-ში.

რიგი შერჩეული პუბლიკაციები, აზეირბაიჯანელი კოლეგების მხარდაჭერით, გამოიცემა SCOPUS-ში ინდექსირებულ ჟურნალში - “Chemical Problems”.

დამატებითი ინფორმაცია კონფერენციის შესახებ ხელმისაწვდომია ვებ-გვერდზე: https://www.iice.ge/conference-2026