საქართველოს განათლების, მეცნიერებისა და ახალგაზრდობის სამინისტროში საქართველოს საგარეო საქმეთა სამინისტროდან შემოსული ინფორმაციის საფუძვლეზე გაცნობებთ, რომ ავსტრიის ქალთა საკითხების, მეცნიერებისა და კვლევის ფედერალური სამინისტრო 2027/2028 აკადემიური წლისთვის აცხადებს სასტიპენდიო პროგრამებს სტუდენტების, კურსდამთავრებულებისა და მკვლევრებისთვის.

პროგრამების შესახებ დეტალური ინფორმაცია განთავსებულია ავსტრიის სტიპენდიებისა და კვლევითი გრანტების მონაცემთა ბაზაში — grants.at, გერმანულ და ინგლისურ ენებზე. აღნიშნულ ბაზაში ასევე ხელმისაწვდომია ინფორმაცია სხვა ინსტიტუტების მიერ შეთავაზებული სასტიპენდიო პროგრამების შესახებ.

ზემოაღნიშნულ ვებ-გვერზე წარმოდგენილია შემდეგი სასტიპენდიო პროგრამები: Franz Werfel Scholarship; Ernst Mach Scholarship – Worldwide, Ernst Mach Scholarship for Studies at an Austrian University of Applied Sciences; Ernst Mach Follow-up Grant (Development Cooperation) და Ernst Mach Scholarship – ASEA-UNINET. თითოეულ პროგრამაზე განაცხადის წარდგენის შესაძლებლობა განისაზღვრება შესაბამისი პროგრამის პირობებისა და სამიზნე ქვეყნების მიხედვით.

ამასთან, Franz Werfel Scholarship და Ernst Mach Scholarship – Worldwide ღიაა მსოფლიოს ყველა ქვეყნის აპლიკანტისთვის, ხოლო სხვა პროგრამებზე ვრცელდება კონკრეტული გეოგრაფიული და პროგრამული შეზღუდვები.