თესაუში Erasmus+ პროგრამის მიერ დაფინანსებული პროექტის, GastroTour-ის პირველი შეხვედრა ჩატარდა.

შეხვედრაში მონაწილეობდნენ აკადემიური და სექტორული პარტნიორები საქართველოდან, სამხრეთ აფრიკიდან, ესპანეთიდან, პორტუგალიიდან და ჩეხეთიდან.

პროგრამის გარკვეული ნაწილი მიეძღვნა სპეციალურ სესიას, რომლის მიზანი ევროკომისიის მიერ დაფინანსებული სხვა პროექტებთან თემატური და სტრატეგიული თანხვედრების წარმოჩენა იყო.

შეხვედრის მთავარ მოვლენას აკაკი წერეთლის სახელობის სახელმწიფო უნივერსიტეტის, კავკასიის უნივერსიტეტის და თელავის სახელმწიფო უნივერსიტეტის ერთობლივი პროექტის Enricher Hubs-ის პრეზენტაცია წარმოადგენდა.

Enricher Hubs-ის ინიციატივა, რომელიც ასევე Erasmus+ პროგრამის ფარგლებში ხორციელდება, მიზნად ისახავს უნივერსიტეტსა და ინდუსტრიას შორის თანამშრომლობის გაძლიერებას ინოვაციური ჰაბების შექმნით ისეთ სფეროებში, როგორიცაა მდგრადი ტურიზმი, მეწარმეობა და მწვანე პრაქტიკები.

სესიის განმავლობაში, ქართულმა პარტნიორმა უნივერსიტეტებმა განსაკუთრებული ყურადღება გაამახვილეს გასტრონომიასთან დაკავშირებული ტურიზმის პროგრამების განვითარებასა და უმაღლეს განათლებაში პრაქტიკული უნარების გაძლიერების საკითხზე.

სესია ასევე მოიცავდა საერთაშორისო მონაწილეების სამომავლო ხედვებსაც.