დიდი ქართველი მეცნიერის, ივანე ჯავახიშვილის 150- ე წლისთავს თელავის სახელმწიფო უნივერსიტეტში ეროვნული სამეცნიერო კონფერენცია მიეძღვნა.
კონფერენციაში " ვიკვლიოთ და ვისწავლოთ ერთად" უნივერსიტეტის აკადემიური პერსონალი, დოქტორანტები, საჯარო სკოლების პედაგოგები და მოსწავლეები მონაწილეობდნენ.
უნივერსიტეტის ბიბლიოთეკამ საცავში დაცული ივანე ჯავახიშვილის ნაშრომების გამოფენა მოაწყო.
კონფერენციის ფარგლებში, უნივერსიტეტის პირველ კორპუსში, მეოთხე სართულზე მდებარე დარბაზს ივანე ჯავახიშვილის სახელი მიენიჭა.
კონფერენციამ ორ სექციად იმუშავა.
მონაწილეებს შესაბამისი სერთიფიკატები გადაეცათ.
ღონისძიება რექტორის მოადგილის სამეცნიერო დარგში, ნუნუ გელდიაშვილის ორგანიზებით ჩატარდა.
