23-24 ივნისს თელავში ევროკომისიის მიერ დაფინანსებული პროექტის - კვლევის პასუხისმგებლიანად წარმართვა ქართულ უნივერსიტეტებში – კვლევის კეთილსინდისიერება და ეთიკა (ETHICS) ეროვნური სამუშაო შეხვედრა ჩატარდა.

შეხვედრაში პროექტის პარტნიორი 10 ქართული უნივერსიტეტის, საქართველოს განათლებისა და მეცნიერების სამინისტროს, განათლების ხარისხის განვითარების ეროვნული ცენტრისა და შოთა რუსთაველის საქართველოს ეროვნული სამეცნიერო ფონდის წარმომადგენლები მონაწილეობდნენ.

პროექტის კოორდინატორია ილიას სახელმწიფო უნივერსიტეტი.

შეხვედრაზე საუნივერსიტეტო კვლევის კეთილსინდისიერების და ეთიკის საჭირო რესურსების პოლიტიკის დოკუმენტების, კვლევის კეთილსინდისიერებისა და ეთიკის საბჭოს ჩამოყალიბებისა და სერვისების შექმნა-გაუმჯობესების საკითხები განიხილეს.